Vawiin aṭangin LBS Suzuki Avenis CYMA Volleyball

LBS Suzuki Avenis 24th Inter Branch YMA Volleyball Tournament 2026 chu vawiin chawhma dar 9:30 aṭangin R. Dengṭhuama Stadium, Mualpuiah khelh ṭan a ni dawn. Match hmasa berah Tuirial leh Thanglailung te an inkhel ang.

Thanglailung hi Saitual leh Phullen bul hnaia awm a ni a, khaw mipui hi 1,000 an tling lo. CYMA Volleyball-ah an rawn inlan dawn a, inelna tihlutu zinga mi an ni. CYMA Volleyball hi Zirtawpni zan khan Central YMA Hall, Tuikhuahtlangah CYMA general secretary Prof. Malsawmliana'n ben hawnna a nei a, vawiin aṭangin ṭan a ni dawn ta.

Tun ṭum inelnaah hian mipa leh hmeichhe inelna a awm dawn a, mipa team 57 leh hmeichhe team 19 an tel dawn. Ben hawnna neih zan hian MVA president Dr Lalmalsawma Nghaka'n fixtures a tlangzarh.

CYMA Volleyball hi August 4-15, 2026 chhung hian R. Dengṭhuama Hall-ah khelh a ni ang. Inelna hnuhnung ber hi kum 2024 khan neih a ni a, mipa inelna Muana Veng chuan final-ah Hunthar chu straight set (25-19, 29-27, 25-21) a hnehin an champion. Hmeichhe inelnaah Bungkawnin Vaivakawn chu straight set (25-17, 25-23, 25-2) thoin an hneh ve bawk.