Alajbegovic-a'n Italy a pan

Bosnia and Herzegovina international, rawlthar duhawm Kerim Alajbegović chuan Bayer Leverkusen chhuahsanin Juventus a zawm a, Serie A club hi tun nipui transfer meuh chu an che na hle!

Kum 18 mi player ṭhangduang hi Chelsea pawhin an ngaihven nia sawi a ni a, mahse, Italy lama inkhel turin a puanthuah a tel ta zawk. Juve hian euro maktaduai 37 thlenga a man sang chho thei turin an lei.

Italian club hian Leverkusen hnenah hian €30mtd an pe phawt ang a, a khelh ṭhat dan a zirin €7mtd an pek belh leh ang. Kum 2031 thleng khel turin contract a ziak a, Juve-a a contract zawh hunah pawh kum 23 vel chauh a la ni dawn tihna a ni!

Alajbegović hi German club FC Koln leh Leverkusen-ah a inzir ṭhin a, July 2025 khan Austria club Red Bull Salzburg chu a zawm. Mahse, Leverkusen hian lei let theihna dan an ziak tel a, kuminah an lei let lehnghal!

Mahse, German club tana a inlan hmain Juventus lamah an hralh zui. Season hman zawh takah khan RB Salzburg tan inelna hrang hrangah match 44 khelin goal 13 a khung a, assist vawi li a nei.