Everton-ah Norgaard kal dawn

Arsenal tana Premier League nomawi chawitu, Gunners midfielder Christian Norgaard chuan Everton pan turin a thuphungin inremna a neihpui tawh a, Merseyside club hian a man atan pound maktaduai sarih an seng ang.

Kum 32 mi midfielder hian tun karah medical a nei ang a, Everton hi a zawm fel thei tura ngaih a ni. Everton hian an defensive midfielder Idrissa Gueye chu season sarih zet an hnena a khelh hnuin an chhuahtir a, kum 36 mi hmun ruak luah turin Norgaard hian an lung a dum ber.

English club hian Norgaard hi an la lut thei a nih chuan tun nipuia an player lakluh palina tur chiah a ni dawn a, a hma hian defensive midfielder tho Hayden Hackney chu Middlesbrough aṭangin £16.5mtd-in an la tawh. Season hmasaa an hnena loan-a khel, Chelsea aṭangin Tyrique George leh SC Freiburg aṭangin Merlin Rohl te chu a nghetin an la lut tawh bawk.

Norgaard hian season hmasa lawk khan Brentford aṭangin Arsenal hi £10mtd-in a zawm a, £2mtd pek belh theihna dan a awm bawk. Mahse, Gunners-ah squad tihchhah nan bak hman a ni lo.

Danish midfielder hian London club tan inelna hrang hrangah match 20 khelin, goal khung a nei lo a, assist vawi thum a nei thung.