Chelsea player thar : Jude-a ben hnu 'Barco'

Chelsea chuan Strasbourg midfielder Valentin Barco an la lut a, kum sarih daih contract an ziahpui. Argentine midfielder man hi tarlan ni lo mah se pound maktaduai 32 bawr vel ni tura ngaih a ni.

Kum 21 mi Barco hi la naupang hle mah se tawnhriat a ngah tawh a, 2024-25 season khan Brighton & Hove Albion tan pawh a lo khelh tawh avangin Premier League-ah a mikhual dawn lo.

Strasbourg tan season a hman ṭhat avangin World Cup 2026-ah pawh Argentina squad-ah a tel phâk a, match khat a khel ve. Semifinal-a England an hneh ṭumin English midfielder Jude Bellingham-a'n a beng a, hei hi a larpui hle.

Barco hi kumin nipuia Blues player thar parukna a ni a, ani hma hian Morgan Rogers, Danny Welbeck, Emmanuel Emegha, Maxence Lacroix leh Marco Palestra te an lo la lut tawh.

Tirhna a nih hnu hian Chelsea pre-season tour-ah a tel hman dawn a, Blues hian August 5 hian Hong Kong-ah Italian club Juventus an hmachhawn ang. Chelsea hian leina man zat erawh an puang zar lo.

Sevilla tan pawha khel tawh Barco hian midfield-ah Enzo Fernandez, Moises Caicedo leh Romeo Lavia te nen an inel dawn a, a tan rinrawl nih a awlsam dawn lo. Mahse Barco hian theihna sang tak a neih bakah, left back-ah pawh a khelh theih avangin Xabi Alonso-a'n bench-ah a dah reng a rinawm loh.

Alonso naute hian Hong Kong-ah naktuk tlai dar 5:00-ah Juventus nen friendly match an khel dawn a, Barco hi squad-ah a awm ve hman dawn niin khawthlang chanchinbute chuan an ziak.