Premier League-ah manager thar 10

Premier League season thar chu August 21, Zirtawpni zan dar 12:30 aṭangin khelh ṭan a ni dawn a, season thar a ngaihnawm dawn. Club 20 zingah club 19-in manager an nei tawh a, club 10-in manager thar an nei dawn tihna a ni. Tun hnai kum 10 chhunga sulhnu nei ṭha ber Pep Guardiola-a'n Manchester City a chhuahsan tawh a, inelna a nun phah zawk ang.

Newcastle United manager Eddie Howe a bang a, a thlakna tur an la tichiang lo. Tun dinhmuna manager senior ber chu Mikel Arteta a ni a, Spanish manager hian December 22, 2019 aṭangin Arsenal hi a enkawl ṭan. Manager dang zawng hi chuan an club enkawl lai mek hi kum nga an la enkawl tling lo vek.