Villa-in Bernal an rim

Premier League club hlun Aston Villa chuan Barcelona rawlthar Marc Bernal an duh a, a man atan pound maktaduai 30 thehchhuah an inhuam. Barca erawhin thuchhuah an la nei lo thung.

Kum 19 mi Bernal hian season hman zawh takah khan Barca tan inelna hrang hrangah, match 33 khelin goal nga a khung a, Hansi Flick-a hnuaiah player pawimawh niin La Liga an champion theih nan a kila lung pawimawh a ni.

Spanish rawlthar theihna hi Unai Emery-a'n a hmuh hmaih lo a, Villa Park-ah seng luh tumin hma a la. Mahse German coach Flick-a'n Bernal hi la naupang hle mah se, hma hun eng tak a neih avangin khawih chet thiang loah a dah.

Europe League champion hma hian club dang pawhin Bernal hi lak luh an lo tum tawh a, Catalan club hian £25mtd an lo hnar tawh. Villa hian pawisa tam zawk nena an dawr a nih loh chuan Spanish midfielder hi an lak luh theih a rinawm loh.