Hmeichhe volleyball a 'hot' chho ṭan

LBS Suzuki Avenis 24th Inter Branch YMA Volleyball Tournament 2026, hmeichhe inkhelah nimin khan Dawrpui Vengthar, Vaivakawn leh champion lai Bungkawn ten hnehna an chang vek.

Vawiinah hmeichhe inkhel hi match thum bawk a awm leh dawn a, inenla hi R. Dengṭhuama Stadium, Mualpuiah neih a ni a, a hmuna en man hi Rs 20 chauh a ni. Hmeichhe inkhel bik hi HD Sports YouTube Channel-ah a thlawnin a en theih bawk.