Vawiin aṭangin Sub Jr Aquatic C'ship

Aquatics Association of Mizoram chuan 42nd Sub-Junior National Aquatic Championship 2026-a inelna hmachhawn turin swimmer 11 an tir a, Mizoram aiawhte hian Thawhṭanni khan inelna neihna hmun tur Jaipur, Rajasthan an thleng.

Inelna hi vawiin aṭangin SMS Stadium swimming pool, Jaipur-ah neih ṭan a ni ang. Mizoram aiawhte buaipui tur hian manager Albert Malsawmkima leh coach Catherine Lalremsiami te bakah naupang nu leh pa te an kal bawk.