NBA Europe-in UK tihmasawn dawn - Anunoby

European NBA league hranga din tura ruahman 'NBA Europe' chuan United Kingdom (UK)-a basketball dinhmun chu sang zawkah a vawrh thei dawn New York Knicks player OG Anunoby chuan a sawi.

NBA Europe hi October 2027-a ṭan tura ruahman a ni a, Europe ram hrang hrang aṭangin team 12 aṭanga 16 vel tel tura beisei an ni a. Heng zingah hian UK khawpui London leh Manchester te pawh tel tur zinga beisei zinga mi an ni.

Kum 29 mi Anunoby chuan, "A ropui ka ti takzet. London leh Manchester-ah basketball a ṭhang chho mek a, Europe-a inelna thar awm tur hian a dinhmun sang zawkah a hlangkai dawnin ka hria," a ti.

Anunoby hi a pianna hmun London-ah chawlh hmangin a awm mek a, ani bakah hian Portland Trail Blazers player Jeremy Sochan, Boston Celtics player Amari Williams leh season thara Dallas Mavericks tana a khel tur Tobi Lawal te chu UK chhul chhuak langsar zual an ni.

NBA Consumer Group vice-president Laura Pinnell pawhin, "Kan ruahmanna siam hian hma a sawn a, tun hnai thla hnih vel kalta aṭang khan thlawpna thu chhakchhuak leh phur an tam hle.

He project aṭang hian UK hi kan tan hmun pawimawh tak pakhat tur tia sawi ngam a ni a, London-ah bakah Manchester-a basketball tui miten an thlawp ṭhat avangin a phurawm hle," tiin a sawi bawk.