Chelsea-in Chavarria an hnaih

Chelsea chuan Spanish left back Pep Chavarria chungchangah Rayo Vallecano nen inremna an nei hnai tawh a, Blues hian euro maktaduai 19 an thehchhuak dawn a, Chavarria nen pawh mimal thilah an inrem tawh niin Fabrizio Romano-a'n a tarlang.

June thla khan Blued left back rinrawl Marc Cucurella chuan €60mtd in Real Madrid a zawm hnuah, Jorrel Hato chiah Chelsea senior squad-ah left-back a khel ṭhin awmchhun a ni. Kum 18 mi Landon Emenalo pawh Xabi Alonso-a'n pre-season khel turin a hruai tel ve bawk.

Blues hian Cucurella chhuah hnuah a thlakna tur an lo melh tawh a, kum 28 mi Chavarria hi an duh ber. Season hmasa khan Rayo tan player pawimawh ber zinga mi a ni a, Conference League final luhpuiin khan a inlan kim vek bawk.

Chavarria hian professional match a khelh chhung zawngin Spain a la chhuahsan ngai lo a, division hniam lamah UE Olot leh Real Zaragoza tan a khelh hnuah 2022 khan Rayo Vallecano a zawm a, season li chhung a awm tawh.

Alonso hote hi tun nipuiah an che na a, Morgan Rogers, Jordan Henderson, Danny Welbeck, Maxence Lacroix, Valentin Barco, Marco Palestra, Grovany Quenda leh Emmanuel Emegha te an lo la lut tawh a, Chavarria hian Stamford Bridge a pan a nih chuan playern thar pakuana tur chiah a ni ang.

Hetihlai hian Cucrella bakah hian senior player paliin Chelsea an chhuahsan a, midfielder Andrey Santos chuan Manchester United panin Tyrique George chuan Everton a zawm bawk. Alejandro Garnacho chuan loan-in Aston Villa tan season khat a khel dawn thung.