Inhliam vangin Carlos Alcaraz a inhnukdawk

Cincinnati Open khelh tumin Carlos Alcaraz inziaklut mah se banrek hliam vangin a inhnukdawk. World number 2 Alcaraz hi April thlaa Barcelona Open aṭanga a inhnuhdawh hnuah court chhungah a la inlan leh lo a, French Open leh Wimbledon-ah pawh a inlan thei lo.

Kum 23 mi Alcaraz hi nikum khan Cincinnati Open-ah a champion a, August 30, Pathianni aṭanga ṭan tur US Open atana inpuahchhahna atan hman a tum. Mahse, a ban rek hliam a la dam theih loh avangin a inlan thei dawn ta lo.

Inelna buatsaihtute chuan Alcaraz hi ban riak hliam vanga a tel theih loh tur thu an tichiang. Tournament director Bob Moran chuan, "Carlos hian inelna hmachhawn turin a theihna zawng zawng a chhuah a, mah se a inpeih hman ta lo. A dam vat theih nan duhsakna kan hlan a, Cincinnati Open-a a rawn khelh leh ngei hi kan beisei tlat a ni," tiin a sawi.