Chelsea-in Costa an ngam huai

Chelsea chuan Porto keeper Diogo Costa chu lak luh tum chhunzawm zelin, Portuguese keeper man atan hian pound maktaduai 50 thehchhuah an inhuam a, Portuguese club tan ṭan reng a harsa tawh mai thei.

Season hmasa kha Blues hian goal 52 zet an chhuah a, an tlarhnung tihphui tumin tun nipuiah sum an seng hnem tawh. Hetihlai hian si ban nghaktu lamah an mit an len ve thung a, hun rei tak chhung an lo hel tawh Costa lak ngei an tum.

London club hian goal veng turin Robert Sanchez leh Filip Jorgensen te an kawl mek a, anni pahnih luahlan tur hian Portugal internaltional Costa hi an duh. Kum 26 mi Costa hian Champions League leh World Cup thlengin tawnhriat a neih tawh avangin Xabi Alonso-a'n an buaina su kiang turin a duh hle.

Blues hian tun nipui transfer laiin Morgan Rogers, Maxence Lacroix, Marco Palestra, Geovany Quenda, Valentin Barco, Emmanuel Emegha, Jordan Henderson leh Danny Welbeck te lak luh nan £300 mtd chuang an seng tawh a, Costa an lak luh theihna tur a nih chuan sum an ren dawn lo.