OKC-in zirna lamah hma la dawn

Oklahoma City Thunder chuan Oklahoma state chhunga zirlaite tan, zirna kawnga hma an sawn theihna turin zirna lam kaihhnawih thil hrang hrang an chhawpchhuah sak dawn a, a thlawna lehkha an zir theihna turin hma an la dawn bawk.

Thunder hian basketball bakah mathematics, science leh engineering lama hriatna tizau thei turin thla tin zirtirtu pali chu $500 hlawh turin an rawihsak ṭhin. School season tharah pawh he thil hi an kalpui leh a rinawm.

Zirlai naupang deuhte chu thla tinin lehkhabu chhiara hun an hman rei theihna turin inelna an buatsaih ṭhin a, hei bakah hian 'board game' leh mobile app-ah mathematics inelna atan NBA leh WNBA te statistic chu hman a ni ṭhin bawk.

Sikul hrang hrangte tlawhin, zirlaite lehkhabu bakah OKC player autograph emaw an pheikhawk lo bun tawhte hmuh theihna hun an siamsak a, NBA G League match en theih dan tur kawng an dapsak dawn niin khawthlang chanchinbute chuan an sawi.

Hetiang thil hi USA-a zirna in hrang hrangin an lo kalpui tawh ṭhin a, basketball chauh ni lo infiamna dangah pawh hma an sawn theih nan zirna neih kaih kawp a lo ni fo tawh.