LBS Suzuki Avenis CYMA Volleyball: Team ṭha Muanna Veng, Khawbel leh Khawhai te an chak

LBS Suzuki Avenis 24th Inter Branch YMA Volleyball Tournament 2026-ah nimin khan champion lai Muanna Veng an rawn inlan a, harsatna nei loin Thanglailung straight set-in an hneh. Muanna Veng hian hi last 16 lut hmasa ber an ni a, August 8, Inrinni hian Lungdai an hmachhawn ang.

Muanna Veng hnung zuiin Lungdai bakah Khawbel, Khawhai, Ngopa leh Dinthar ten round of 16 an lut ve bawk. Khawbel leh Khawhai hi volleyball-ah team ṭha an ni a, tun ṭumah pawh hian team hmuhnawm zinga mi an ni.

CYMA Volleyball-ah LPS Youth Icon 2024 Lalsangliana (Taitea) a rawn inlan a, an khua Bawktlang tan khelin Darlawn Venghlun 3-0 in an hneh. Vawiin hian Taitea telna Bawktlang hian Aizawl-a volleyball thiam veng Maubawk an hmachhawn ang.