Vawiinah Hunthar inlan dawn

LBS Suzuki Avenis 24th Inter Branch YMA Volleyball Tournament 2026-ah inelna hnuhnung ber finalist Hunthar a vawi khat nan an inlan dawn a, match hmasa berah Armed Veng South hnehtu Tualcheng an hmachhawn ang. Inelna hi R. Dengṭhuama Stadium, Mualpuiah khelh a ni a, match hmasa ber hi chawhma dar 9:30-ah ṭan ṭhin a ni.

Hunthar hi vawi thum an champion tawh a, Pro Volleyball League 2026 best setter leh Mizo best player Lalmama an kawl bakah Dampuia, Hruaizela, Francisa leh Ruatfela te an kawl avangin vawi li champion thei dinhmunah an ding.

Vawiin hian player ṭha a inlan nual dawn. Biate-ah Pro Volleyball club Tuichangral aṭanga hriat lar Chamtea a awm a, Maubawkah C-tea leh Neihpuia te an kawl a, Durtlang North-in setter Ruatsanga an nei a, Kulikawn West lamah setter David-a a awm bawk. CYMA Volleyball a hmuhnawm chho zel dawn.