LBS Suzuki Avenis CYMA Volleyball: Vawiin aṭangin Round of 16 khelh ṭan a ni dawn

LBS Suzuki Avenis 24th Inter Branch YMA Volleyball Tournament 2026-ah team 16 chauh an dam tawh a, vawiin hian R. Dengṭhuama Stadium, Mualpuiah round of 16 khelh a ni dawn. Mipa inkhel hi court 1 (MVA YT Channel) leh court 2 (Central YMA YT Channel) khelh a ni dawn a, YouTube channel aṭangin a thlawnin a en theih.

Nimin inkhelah result danglam a thleng loah a ngaih theih a, chutihrualin inkhel inhnehtawk takah Bungtlang Chhim Vengin Edenthar 3-2 in an hneh thung. Team ṭha Hunthar, Maubawk leh Nursery Veng ten hnehna an chang.

Round of 16 lut team 16 zinga team 15 te chu Muanna Veng, Lungdai, Ngopa Hmar Veng, Bungtlang Chhim Veng, Khawhai, Dengsur, Hunthar, Hmunṭha, Electric Veng, Tachhip, Sihphir, Khawbel, Nursery, Dinthar leh Maubawk te an ni. Nizana Biate leh Kulikawn West inkhel result kan hre hman lo.