Tlai dar 5:30-ah Chelsea vs AC Milan

Xabi Alonso enkawl Chelsea chuan vawiin tlai dar 5:30 hian Milan nen Gelora Bung Karno Madya Stadium, Indonesia-ah friendly match an khel dawn. Inkhel hi Fancode hmangin a en theih ang. London club hian friendly match hnuhnung berah Juventus 1-0 in an hneh lo a, Milan lakah game ṭha bakah result ṭha an beisei ang.

Kumin Chelsea squad hian ngaihven a hlawh hle. Alonso-a'n kum lama upa tawh Jordan Henderson (17 June 1990) leh Danny Welbeck (26 November 1990) te a lalut a, English player pahnih hi Juventus an hmachhawn ṭuma bul ṭantu Mahdi Nicoll-Jazuli (6 January 2010) te nen chuan an kum a inthlau ve hle.

Nicoll-Jazuli pian hian Hendo leh Welbeck te hian Premier League an khel daih tawh. Thla 20 hnuah Mykhailo Mudryk a kir a, Ukranian forward hi Juve nen pawh bench aṭangin a lut. Milan an hmachhawn hunah Mudryk pawh hi inlan leh ngei tura ngaih a ni.