Zanin dar 8:30-ah PSG Vs Man United

Manchester United-in zanin dar 8:30 hian Nya Ullevi, Sweden-ah European champion Paris Saint-Germain nen friendly match an khel dawn. Europe club ṭha pahnih inkhel hi Fancode hmangin an en theih ang.

Michael Carrick-a hote hian friendly match hnuhnung berah Atletico Madrid an hneh a, PSG nena an inkhel tur hi fiahna pawimawh a ni. Hei vang hian World Cup-a inlan player rinrawl Senne Lammens, Bruno Fernandes leh Matheus Cunha te bakah player thar Youri Tielemans te pawh inlan tura ngaih a ni.

PSG-in an match hnuhnung berah Spanish second division club Mallorca 3-0 in an hneh lo a, friendly match ni mah se Luis Enrique hoten mualpho nawn an tum lo ang. French club hian Mallorca an hmachhawn ṭumin Khvicha Kvaratskhelia chauh an chhawrah a ngaih theih a, United an hmachhawn hunah erawh Vitinha, Pacho, Nuno Mendes, Joao Neves leh Marquinhos te pawh tel tura ngaih an ni.