Norgaard-a'n Everton a zawm ta

Everton chuan Ningani khan Arsenal aṭangin pound maktaduai sarihin midfielder Christian Norgaard an lalut. Kum 32 mi Denmark international hian kum hnih chhung atan contract a ziak.

Nikum nipui khan Gunners-in squad tihchhah nan Norgaard hi Brentford aṭangin £15mtd in an lalut a, season liam ta inelna hrang hrangah match 20-ah a inlan.

Norgaard chuan, "Everton hian kawng dik an zawh a, season liam ta aṭang khan a chiang a ni. Player ṭha an kawl tam a, khelh an harsa ṭhin," tiin a club thar a fak. Danish midfielder hian Arsenal-ah hmun pawimawh chang pha lo mah se Brentford-ah erawh captain hial niin Bees tan match 196 a inlan a ni.

Everton hian tun nipui transfer-ah tawnhriat nei ṭha Republic of Ireland defender Seamus Coleman (kum 37) leh Senegal midfielder Idrissa Gueye (36) te an chân avangin tawnhriat nei midfielder lakluh hi an mamawh. David Moyes-a hote hian season liam ta khan point 49 hmuin 13-naah an awm a, tun season bul ṭan nan Crystal Palace nen an inhmachhawn ang.