Vawi thum champion tawh Hunthar leh Maubawk

Central YMA Volleyball mipa inelna bik hi vawi 17 neih a ni tawh a, Hunthar leh Maubawk te vawi thum ve ve champion tawhin record nei ṭha pahnih an ni. Mipa inelna hi kum 1989 aṭanga ṭan a ni a, Bungzung an champion hmasa ber. Champhai District hnuaia awm Bungzung hian kum 1993-ah pawh nomawi an chawi leh a, hemi hnu hian lang leh tawh lo.

Nikum inelnaah khan Huntharin vawi li champion theihna hun ṭha an nei a, mah se final-ah Valbuanga telna Muanna Veng an ngam ta lo. Hunthar hian 2009, 2012 bakah 2022 khan an champion a, vawi thum champion thei dang Maubawk hian 2007, 2014 leh 2016 te khan an champion thung.

Kumin inelnaah Maubawk leh Hunthar te hi an tel ve ve a, vawi li champion thei dinhmunah an ding. Chutihrualin champion lai Muanna Veng hian champion nomawi hi an humhim a nih chuan vawi thum an champion ve thei bawk. Vawi hnih champion tawh zinga mi Dawrpui Vengthar chu kumin inelnaah an tel lo a, vawi thum an la champion zingah an la tel rih dawn lo.