Besiktas-in Vlahovic an ngaihven

Club nei loa awm mek Dusan Vlahovic chu Besiktas-in an ngaihven a, Turkish club president Serdal Adalı chuan Serbian striker hi dawr vat an tum bakah, season thara an player pawimawh ni tura a duh thu a sawi.

Kum 26 mi Vlahovic hi season tawp rual khan Juventus-a a contract a hmang zo a, a duhna lam a hawi thei tawh. Europe club lianten Vlahovic hi lak luh an duh a, an zingah Manchester United pawh an tel. Mahse Besiktas-in thawm an nei lian ta ber.

Tun karah Mohamed Salah chuan Trabzonspor a lo zawm tawh a, Besiktas hian an season hmasaa an tluk lohin player langsar an lak avangin ṭan an la ve a, Vlahovic lak luh an tum.

Serbia international hian season hmasa khan Turin club tan inelna hrang hrangah match 19 khelin goal sarih a khung a, nikuk November khan a inhliam avangin a inlan hnem tawk lo a, Juve-a châm chhunzawm zel ai chuan club dangah chona thar hmachhawn a duh zawk.

Vlahovic hian January 2022 khan Fiorentina aṭangin Juve hi euro maktaduai 70 zetin a zawm a, Fiorentina-a a chet ṭhat avangin beisei a sang hle. Juve-ah che chhe lo mah se beisei a pha lo a, mahse theihna sang tak a neih bakah a kum a la tam loh avangin club tam takin an iai lo ang.