Tlangvaltea WFC leh PUC an chak

MFA Independence Day Women's Football Tournament 2026 chu nimin khan Chite Playground-ah khelh chhunzawm a ni a, Tlangvaltea FC leh PUC te chuan an hnehna an chang ve ve.

Tlangvaltea Women's FC tan an match hmasa ber niin Ramhlun Women's FC chu Lalfakmawii goal hmangin 1-0 in an hneh. Ramhlun erawh an match hnihna a ni a, GAC lakah 2-1 a an vanduai tawh avangin knockout stage an lut thei tawh lo.

PUC-in MFA Starlight chu 5-1 in an sawp bawk a, Cindy Remruatpuii leh Grace Lalrampari te chuan goal hnih ve ve an khung a, Lalduhthlani'n goal khat a khung ve bawk. Mizo hmeichhe player ṭha Gracy, Cindy leh Duhthlanni te awmna PUC hi champion lai leh champion rinkai an ni.

Inelnaah hian team ruk an tel a, group pahnihah inṭhenin group A-ah MFA Starlight, To Be United leh PUC te an awm a, group B-ah Ramhlun Womens FC, GAC leh Tlangvaltea Women's FC te an awm. Group khat aṭangin pahnih ve vein semifinal an lut ang. Final hi RG Stadium, Mualpuiah khelh a ni ang.