United-in Colombian rawlthar an la

Manchester United chuan Colombian rawlthar Cristian Orozco chu an la lut fel tih an puang a, Orozco hi Colombian club Fortaleza CEIF tana khel a ni a, thla hmasa khan kum 18 a tling ve chiah.

Orozco hi Red Devils hian nikum khan lak an lo tum tawh a, inremna neihpui vek tawhin kum a tlin hun an nghah avangin an la lawk thei lo a, July 18 khan kum 18 tlingin Old Trafford a pan thei chiah

Colombian midfielder hain season khan Fortaleza senior team tan match nga a khel ve a, Under 17 World Cup-ah pawh an ram captain a ni phâk in Radamel Falcao leh Mateo Mejía te hnuah, Colombian player zinga United zawm leh thei hmasa ber a ni.

United hian tun nipui laiin player paruk an la lut tling chiah a, Orozco hma hian Youri Tielemans, Andey Santos, Karl Darlow, Tynan Thompson leh Kit Margetson te an lo la lut tawh.

Zanin dar 8:30 hian Michael Carrick-a hote hian Champions League nomawi kawltu Paris Saint-Germain nen Ullevi Stadium, Sweden-ah friendly match an khel dawn a, August 12, Thawhlehni zanah Leeds United nen Dublin, Ireland-ah an inkhel leh nghal dawn bawk.