Tlai dar 4-ah Venghnuai Vs Police

Mizoram Police-in Mizoram Premier League Season 8-a an khelh tawh chin an thlir kir chuan FC Venghnuai laka an tlawm ṭum kha an lungnih loh ber ṭum a ni hial ang. Vawiin tlai hian Lalbiaksanga Colney hoten phuba lakna remchang an nei dawn a, tlai dar 4:00 hian Lammualah Venghnuai nen an inhmachhawn dawn.

Chutihrualin season ṭantirha semifinal inbeisei FC Venghnuai tan point hlawhchhuah ngei a ṭul tawh a, tunah hian point 10 hmuin semifinal khel thei china awm Chhinga Veng point liin an pha lo. Rindika Hmar hote hian Police an hneh ṭumin Malsawmfela an dahṭha a, Ramhlun South tlangval hian ngai a awh chhoh leh tawh avangin MPL kaithar hmabak a harsa dawn. Tualchhung football ngainatute tan chuan Venghnuaiin BS-a Colney leh a hote attacking football an dang tur chu hmaih phal chi a ni lo ang.