Police hmaa ding tur MLS FC

I Day Football-ah MLS FC an che ṭha a, Lalrozama Fanai hote hi group stage-a an chet dan avangin champion inbeiseina hial an nei ang. Lawngtlai club hian vawiin chawhnu dar 2:00 hian I Day Football 2024 champion Mizoram Police an hmachhawn dawn a, inkhel hmuhnawm a beisei theih ang.

MLS hian match hmasa berah Aizawl FC an hmachhawn a, injury time-a K. Lalhmangaihkuma goal ropui hmangin chak thei dinhmunah an ding. Mahse, IFL club-in injury time-ah vek si phurh an sut a, 2-2 in inkhel a tawp. Lawngtlai club hi Aizawl FC chelhtu ni loin IFL club-in an chelh zawk a, hei vang hian inrintawkna an ngah dawn.

Tuithiang midfielder Hmangaihkima bakah Felix Lalruatsanga te tlarhma lamah an hmuhnawm a, Lushai Corner laka goal hnih khungtu A Lalhruaitluanga pawhin inrintawkna a ngah dawn. Hetihlai hian Police erawh knockout stage chinah chuan an tawh a khirh ṭhin.

Police hian match hmasa berah Saikhamakawn nen 1-1 in an inhnehtawk a, Manipur club Ganggam SC 2-0 in an hneh leh bawk. Mizoram Police hian tawnhriat nei ṭha player bakah kum lama naupang zawk player an ziak lut tel a, MLS laka chak loh an duh lo ang.