Electric Veng BC buatsaih inelna a hlawhtling

F. Lianhmingthanga Memorial All Mizoram Badminton Invitation Tournament chu August 3-8, 2026 chhung khan Electric Veng YMA Hall-ah a neih a ni a, Electric Veng Badminton Club buatsaih inelnaah hian category 14 awmin player 269 an tel a, inelna hlawhtling tak a ni.

Closing ceremony-a khuallian home minister leh bialtu MLA K. Sapdanga chuan, "Inelna hlawhtling tak buatsaih a nih theih nana F. Lianhmingthanga nupui fanauten inphal taka an pa hriatrengna tura sum an seng hi a lawmawm tak zet a, sponsor-tu dang mi 18 lai kan awm bawk hi a lawmawm hle a ni.

"Mizo zingah India ram aiawh pha badminton-ah kan awm ta hial a, Lalṭhazuala leh Sawmhlua chu India ram aiawha khel mek an ni a, mi dang pawh players beiseiawm tak tak kan nei nual mai. New Serchhip tlangvalten Aizawl tlangval an rawn hneh thei kha a lawmawm ka ti a, ka lawmpui tak zet a ni," tiin a sawi a, sorkar pawhin sports discipline hrang hranga ṭan an lak zel thu leh Mizo ṭhalaite tha thlah loa ṭang sauh sauh turin a fuih bawk.