Hmeichhe Volleyball: Team pali chiah an dam ta

LBS Suzuki Avenis 24th Inter Branch YMA Volleyball Tournament 2026 hmeichhe quarterfinal chu Inrinni khan khelh a ni a, Bungkawn, Dinthar leh Luangmual ten hnehna chang vekin semifinal an lut. Dawrpui Vengtharin semifinal an lut fel tawh bawk a, final khel tur zawnna hi August 11, Thawhlehni chawhma dar 10:00 hian R. Dengṭhuama Stadium-ah khelh a ni ang.

Bungkawn leh Dinthar te hi straight set-in an chak a, Luangmual erawhin Lungdai lakah set hnih an hloh a, semifinal lut turin vanneihna an mamawh. Semifinal-ah champion lai Bungkawn leh Lawipu te an inhmachhawn dawn a, inkhel hnuhnung zawkah Luangmual leh Dawrpui Vengthar te an inkhel bawk ang.