Liverpool-in loan-in Araujo la dawn

Premier League club Liverpool chuan Barcelona captain Ronald Araujo chu season khat chhung loan-in an la lut dawn a, he thuziak i chhiar meuh chuan an in la lut fel tawh hial mai thei.

Uruguay defender hian nimin khan English club-ah hian medical a nei a, Liverpool hian a ngheta lei theihna dan an nei. Reds hian a loan hun zawh hunah, an duh chuan pound maktaduai 47.1-in a nghetin an la lut thei dawn niin khawthlang media-te chuan an tarlang.

Araujo hi Barca captain ni mah se, Catalan club hian tlarhnung laia inkawp turin Gerard Martin leh Pau Cubarsi an nei a, hei vang hian khelhna hmun a chang meuh lo - season hman zawh takah khan league match 11-ah chiah bul a ṭan a, chona thar hmachhawn turin Liverpool a pan dawn ta.

Kum 27 mi defender hian kum 2018 khan, Uruguayan club Boston River aṭangin Barcelona hi a zawm a, match 213 khelhsakin, goal 14 a khung a, La Liga nomawi pathum a lakpui bakah, Copa del Rey (2) leh Supercopa de Espana (3) ah te a champion pui bawk.