Forest-in Diomande la dawn

Nottingham Forest chuan Sporting Lisbon defender Ousmane Diomande chu euro maktaduai 40-in an la lut dawn a, kum nga chhung atan contract a ziak ang - he thuziak i chhiar meuh chuan an in la lut fel tawh hial mai thei.

Kum 22 mi centre back hi khawvela defender ṭhangduang ber pawl a ni a, European club hrang hrang nen sawizawm a ni - hetiang kara Nottingham-in an chang thei tur hi a mak zawk hle.

Diomande hian World Cup khelh zawh takah khan Ivory Coast tan inelna a hmachhawn a, ram tan match 16 ngawt a khel tawh. Forest midfielder zinga mi Ibrahim Sangare nen Ivory Coast mi ve ve an ni a, kum 2023 khan Africa Cup of Nations-ah an champion.

Diomande hian kum 2023 khan a bul ṭanna, Danish club Midtjylland aṭangin Sporting Lisbon a zawm a, match 132 khelhsaka goal sarih khungin, Primeira Liga-ah vawi hnih champion nomawi a chawipui a, Taça de Portugal-ah a champion bawk.