Hliam vangin Clijsters enkawl mek

Fa a neih hnuah Kim Clijsters chuan tennis khelh leh a tum a, mahse a tum leh beisei ang hunah a rawn kir thei dawn lo. Tunah hian a khup hliam vanga enkawl mek a ni.

Grand Slam vawi li champion tawh Clijsters hian Serena Williams entawnin nu nih hnuah ṭha taka inkhelh theih a beisei a, a tum dan hmasa chuan nakkum January thlaah WTA hnuaia inelna a hmachhawn ang. Mahse, kum 36 mi Clijsters hian tun hnaiah thuchhuah siamin, "Infiamna ka ngainat leh hmangaih ka khelh leh hun tur ka ruahman a, mahse a hun sawn leh a ngai. Min thlawptu leh ṭantute vangin ṭha takin ka rawn kir leh hi ka ring tlat a ni," a ti.

World number 1 hlui hian fa pathum - Jada (2008), Jack (2013) leh Blake (2016) te a nei tawh. Kum 2007 khan a vawi khat nan tennis a chawlhsan a, 2009 khan rawn kir lehin a vawi hnih nan a 

chawl nawn.