Siaha khawpuiah hmeichhe football

Mizoram Football Association buatsaih, Inter District Women's Football Championship chu November 7-13, 2019 chhung hian Siaha District Football Association-in a thleng dawn a, engkim peih fel a ni ta.

He inelnaah hian MFA hnuaia District Football Association pariat zinga parukin team an tir a; group hnihah ṭhen niin group khata awmte an inkhel kual chhuak ang a, a tawpah a sang pahnih ve vein semi final an lut ang.

Siaha DFA chu he inelna thleng tur hian theihtawp chhuahin an inbuatsaih a, khelmualte an chei ṭhat bakah mikhual thlenna turte buaipuiin an ṭul hle a ni. Group A-ah Aizawl DFA, Lunglei DFA leh Kolasib DFA te an awm a, group B-ah Champhai DFA, Lawngtlai DFA leh Siaha DFA te an awm thung.