Mizoram Karate team che ṭha

KAI National Karate Championship-ah Mizoram Karate Team te an che ṭha a, gold medal pasarih ngawt an lak bakah, silver (1) leh bronze (7) an hlawh chhuak.

Netaji Subbash Sports Arena, Hooghly, West Bengal-a neih inelna hi Sub-Junior, Youth Boys & Girls Under-13, Cadet leh Junior category bikte tana buatsaih a ni.

August ni 7-9 inkar khan inelna hi neih niin, Mizoram aiawhin, hmeichhia paruk leh mipa 18, an vaiin 24 an ni a, senior leh under-21 category chu June thla khan neih tawh niin, medal an lo hawn nual tawh bawk.

He championship-ah hian AMKA chuan technical official turin national qualified referee Lalramthara, John Lalchungnunga, H.Lalfangzauva leh C.Lallawmawmi te a tir tel bawk a, C. Lalrinfel leh Lalramthara ten Mizoram team an kaihruai bawk a ni.