Everton leh Palace-in player inthleng dawn

English Premier League club pahnih Everton leh Crystal Palace te chuan player an inthleng dawn a, Dwight McNeil chuan Eagles zawmin a aiah Palace winger Brennan Johnson chuan Everton a pan ve dawn thung.

Forward pahnihte hian Thawhṭanni hian medical test an neih hnuah mimal thilah inremna an neihpui leh dawn a, an club tharah kum li chhung atan contract an ziak ve ve dawn niin khawthlang chanchinbute chuan an ziak.

Kum 26 mi McNeil hian July 2022 khan Burnley aṭangin Everton hi pound maktaduai 20-in a zawm a, vawi 128 inlanin goal 15 a thunsak tawh. Toffees hi season liam ta khan Premier League-ah 13-na an ni a, McNeil hoin a aia sang thlen theih an inbeisei ang.

Hetihlai hian Kum 25 mi Johnson hian Europa League-a Tottenham Hotspur a champion pui hnuah, kumin January khan £35mtd in Eagles hi a zawm a, Conference League final thlenpuiin, Rayo Vallecano 1-0 in an hneh a, league-ah 15-na ni mah se season tharah Europa League an khel dawn.

Club pahnihte hi August 22, Inrinniah season thar atana an match hmasa ber atan an inhmachhawn nghal dawn a, player pahnih an inthlengna hian Hill Dickinson Stadium-a inkhel boruak a tihnun a rinawm.