Timber-a'n season bul ṭan dawn lo

Arsenal manager Mikel Arteta chuan an defender Jurrien Timber chuan inkhel leh turin kar eng emaw zat a la mamawh tur thu a sawi a, Dutch defender hian season bul a ṭan thei dawn lo.

Kum 25 mi Timber hi ṭhal na vangin season hmasa tawp lam khan thla hnih a lo chawl tawh a, Champions League final kha a inkhelh hnuhnung ber a ni. Timber hi World Cup khel turin Ronald Koeman-a'n ko mah se a hliam a dam chian loh avangin a inhnukdawk a, zai a ni zui.

Kum 44 mi Arteta chuan, "Timber hi a dam chho ve zel a, mahse inkhel tur erawh chuan kar eng emaw zat a la mamawh dawn a, a hun tak sawi mai theih a la ni lo. Mahse tun dinhmunah chuan hma a sawn a, training pawh a nei ve thei tawh," a ti.

Gunners hian Timber bakah William Saliba chu hliam vangin an chân mek a, French defender hi a hnungzâng na chu zai ngai dawn lo mah se a chawl rei dawn a, a hmun ruak hnawh khat turin Ezri Konsa nen sawi zawm an lo ni tawh.

Pathianni zan khan Emirates Stadiuym-ah Emirates Cup khelh a ni a, Arteta hote hian German club Borussia Dortmund chu 3-2 in an hneh lo. Dortmund tan Samuele Inácio, Konstantinos Karetsas leh Joane Gadou ten goal khat ṭheuh an khung a, Gunners tan Ethan Nwaneri leh Viktor Gyokeres te goal a tawk zo lo.