Strasbourg-ah Blues keeper Jorgensen

Chelsea goalkeeper Filip Jorgensen chuan khelh tam theihna tur zawngin Stamford Bridge a chhuahsan a, season khat chhung loan-a khel turin Strasbourg a zawm.

Jorgensen hian kum 2024 khan Villarreal chhuahsanin, pound maktaduai 20.7-in Blues hi a zawm a, mahse, London club a zawm hnuah match 34-ah chiah inkhel bul a la ṭan.

Season hmasa zawh rual khan Chelsea-ah ngenna thlenin, khelh tam theihna club zawm a duh thu a hrilh a, Chelsea neitu Blueco hnuaia awm tho Strasbourg chu loan-in a zawm ta a ni.

Strasbourg hian season hmasa khan Chelsea aṭang thoin Mike Penders an hawh a, mahse, an first choice goalkeeper hi Blues lamah a kir - Jorgensen nen an inthleng kual a ni ber!

Chelsea keeper hlui Djordje Petrovic pawh khan Strasbourg-ah hian loan-a lo khel tawhin, a hnuah Bournemouth chu £25mtd-in a zawm.

Kum 24 mi Jorgensen pawh hian Chelsea hi a ngheta chhuahsan a duh a, Strasbourg-ah a chet ṭhat chuan Chelsea hi a chhuahsan hlen a rinawm.