Messi a inkhel lehnghal

Pathiannia a pa thlah liamtu, Inter Miami captain Lionel Messi chu nimin khan US club tan hian a inlan lehnghal a, mahse, Leagues Cup-ah Mexican club Club León chu 3-2 a hneh loin an tlawm - Miami hi group stage aṭangin an tla a, Messi tan a football career-a group stage aṭanga a tlak hmasak ber a ni!

Messi pa Jorge Messi chu rei tak a dam loh hnuah, kar hmasa khan kum 68 mi niin a thi a, Pathianni khan Rosario, Argentina-ah vui liam a ni - Nilainiah Messi a inkhel lehnghal tihna a ni a, a pui hle.

Barcelona legend Messi hian a pa a thlahna thu social media-ah thui tak ziakin, "I tel lo hian eng tin nge ka awm zel ang ka sawi thei lo. Hma lam pan zel dan tur pawh ka hrethiam lo - football ka khel mawp mawp zel a, tunah chuan ka inkhelh chhunzawm zel thei ang em, tih pawh ka sawi thei ta lo," a ti a, chawlh a sawi ri ṭan.

Football khawvela player ropui ber ang hiala mi tam takin an ngaih Messi chuan, "A bul ka ṭantirh aṭangin ka kiangah i awm reng a, a hmawr kan bawk ṭep tawh asin! Engatinge, rei lotê tal chauh pawh, rei lotê chauh pawh i lo ṭan hram loh - nangnen a hmawr kan bawk thei tur!" a ti a, a pa chu ui tak chungin a thlah liam.