Carrick-a tan lawmna tur a awm zel

Manchester United-in Nilaini zan khan friendly match-ah an hmelma Leeds United nen hun pangngaiah 1-1 in an inhnehtawk a, penalty shootout-ah 5-4 in an vannei zawk. Dublin-a an inkhelh dan thlirin Michael Carrick tan lawmna tur a awm.

Dutch forward Joshua Zirkzee-a'n minute 16-na lekah goal ṭha takin a khung a, United khel a nung viau bawk. Chutihrualin an tlarhnung erawh a la phui tawk lo a, Tyler Fletcher-a tihsual vangin Brenden Aaronson-a'n minute 29-naah siphurh a sut.

Zirkzee che ṭha hi United tan chanchin lawmawm a ni a, tlarhmaah Bryan Mbeumo a hlauhawm viau bawk. Leny Yoro-a'n tlarhnungah rinrawl ni tlak a ni tih a pholang a, Senne Lammens pawhin jersey no. 1 rawn hain tlarhnung a phui phah viau bawk.

Bench aṭangin captain Bruno Fernandes a rawn lut a, Youri Tielemans nen mual laiah an ṭangkai dun hle. Tottenham aṭanga United lak thar kum 18 mi Tynan Thompson pawh a inlan a, mit la taka chet a nei lo thung.

Penalty shootout-ah bench aṭanga lut United keeper Dermot Mee a che ṭha a, Bruno Fernandes-a'n goal zawnah pet lo mah se hnehna an chang tho. Chakna goal hi Noussair Mazraoui-a'n cool taka a khung a ni a, Moroccan defender hi bench aṭanga lutin a che ṭha hle.