Arsenal tan Guimaraes a inlan

Brazilian midfielder Bruno Guimaraes chuan a club thar tan Nilaini zan khan a inlan a, Arsenal hian Serie A club Como hmachhawnin hun pangngaiaah 1-1 a an inhnehtawk hnuin penalty shootout-ah 4-3 in an chak.

Emirates Stadium-a goal pahnih hi first half-ah ve ve a lut a, Gunners tan Myles Lewis-Skelly-a'n minute 33-naah goal hmahruai a khung a, minute 43-naah Martin Baturina-a'n a sut.

Second half ṭantirah Mikel Arteta-a'n Guimaraes luhtirin rawlthar Max Dowman a rawn thlak a, Newcastle United midfielder hlui hi Gunners tan a match hmasa berah khel chhe lo mah se goal a keng tel bik lo a, minute 90 an khelh hnuah penalty shootout hmangin chak zawk an zawng.

Gunners tan Guimaraes bakah Martin Odegaard, Kai Havertz leh Christos Tzolis ten an khung vek a, Noni Madueke chiahin a hlah. Mahse Cesc Fabregas-a enkawl tan Ivan Smolcic leh Álvaro Morata ten an pet goal theih bik loh avangin Arsenal an chak.

Arsenal hian August 16, Pathianni zan dar 7:30-ah Manchester City nen Community Shield inchuhin an inkhel dawn a, Arteta leh a hote tan City hneh chunga season bul ṭan a fuh dawn.