Arsenal-in Quansah lakluh an tum

Premier League champion Arsenal chuan Bayer Leverkusen defender Jarell Quansah lakluh tumin an ngaihven a, kum 23 mi defender hi Emirates Stadium-ah a kal thut a nih pawhin a mak lo ang.

Arsenal hian Villa defender Ezri Konsa chu hun rei tak an ngaihven tawh a, mahse, pound maktaduai 40-a an ngam laiin Villa hian £60mtd an chhiar a, kum 28 mi defender hawisanin Quansah lam an hawi dawn niin a lang.

Hetihrual hian media ṭhenkhat chuan Konsa lakluh an tumna kawnga Gunners 'tactic' pakhat angin an sawi a, Konsa hawisan anga an lan chuan Villa hian a man an tihhniam theih an beisei niin an sawi.

Hetihlai hian England international Quansah hi a club hlui Liverpool pawhin lak let dan an ngaihtuah niin an sawi a, Leverkusen nena an inremna ang chuan, club dangin an ngamna ang zata Reds hian an ngam chuan an chang zawk dawn a ni!