PSG-in Torres an chang dawn

European champion Paris St-Germain chuan Barcelona forward Ferran Torres an la lut dawn a, Catalan club nen hian a thuphungin an inrem tawh - he thuziak i chhiar meuh chuan an inla lut fel tawh hial mai thei.

Spain international manah hian French club hian pound maktaduai 42.7 an seng dawn tihna a ni a, kum 26 mi hi a hma hun a chinfel theih nan Barca chuan tun kar chhung training a zawm loh an phalsak thlap tawh a ni.

Manchester City tan pawha lo khel tawh Torres hian season hman zawh takah khan Barcelona tan inelna hrang hrangah match 49 khelin goal 21 a khung a, assist vawi thum a nei tel bawk.

Torres hian World Cup 2026-ah khan Spain champion-na goal a khung bawk a, La Roja-a a coach ṭhin Luis Enrique-a team a pan dawn ta. Torres hi a chhuak a nih chuan, Liverpool tan Bradley Barcola lak luhna chance a sang sawt ang.