LHM Infra I Day Veteran Football Vawiinah final khel dawn

Independence day lawmna chi khat atana neih I Day Veteran Football final chu vawiinah khelh a ni dawn ta a, RG Stadium-ah, tlai dar 5:00-ah hian 2K Generation leh Leitan Veteran ten champion an inchuh dawn.

Leitan hi tun tournament-a team hmuhnawm ber pawla chhal theih an ni a, Mizo hranghlui player ṭha Rohmingthanga an kawl a, a unaupa, India international hlui Lalchhuanmawia Fanai a la awm cheu bawk.

Quarterfinal-ah pawh Police tana lo khel tawh ṭhin intelkhawm, Khakhi Veteran chu 5-0 in an sawp thei a, semifinal-ah pawh NEHU Alumni lakah goal thum an la khung thei - 2K Generation an huphurh lo ang.

2K-ah hian Mizo football legend S. Malsawmtluanga chu an thiampuipa a ni a, sports minister Lalnghinglova Hmar leh Chennaiyin defender hlui Zohmingliana Ralte an awm bawk.