James leh Brown nen Maxey khel châk

Tyrese Maxey chuan a teammate thar tur LeBron James leh Jaylen Brown te nen khelh ho a châk tawh thu a sawi a, NBA season thar a nghakhlel tawh hle.

Philadelphia 76ers-in tun nipuiah NBA chanchina player ropui ber pawh Lebron leh Brown te an la lut a, Eastern Conference an thunun tura ringtu an tam nghal hle. An player lak thar bakah an neih sate enin a awm lo hran lo.

Kum 25 mi Maxey chuan, "Mi zawng zawngin chak kan duh vek a, kan team kan ṭhat tawh bawk avangin kan champion theih ka beisei. Season ṭan leh hunah hliam vanga kan buai a nih loh chuan kan team enin nomawi kan chawi ngei ka ring a, chu thil ti tur chuan LeBron leh Brown ten nen khelh ho ka châk tawh hle," a ti.

Chutihrualin Sixers hian Eastern Conference-ah Detroit Pistons, Boston Celtics leh champion lai New York Knicks te nen an inel dawn a, Maxey leh a ṭhiante tan a awlsam dawn lo a, theihtawp chhuaha an ṭan a ngai dawn tho.

Hetihlai hian Los Angeles Lakers player hlui Byron Scott chuan LeBron leh Brown ten Sixers an zawm hnuah, beisei sang viau mah se kum 2000 chhoa player ṭha rual kawl chunga Lakers hlawhtling lo ang kha an nih theih thu a sawi a, James a awm avang ngawta champion chiang sa an nih loh thu a sawi bawk.

Lakers hian 2000 chhoah khan Karl Malone, Gary Payton, Kobe Bryant leh Shaquille O'Neal te bakah Derek Fisher an nei a, mahse hliam a tlakbuak bakah player te inkarah buaina tenau a awm avangin beisei an pha lo.

Chutihrualin Sixers tan Maxey-a'n season hmasaah match tinin point 28.3 leh assist 6.6 nei ang a ni. 2023 regular-season MVP lo ni tawh Joel Embiid an nei bawk. An dam ṭhat a, inlungrualna ṭha an nei a nih phawt chuan team hlauhawm tak an nih theih a rinawm.