Brighton-in Leeds United an hneh

Brighton & Hove Albion chuan Inrinni zan khan Leeds United 1-0 in an hneh a, goal awmchhun hi minute 17-naa Neal Maupay khung a ni. Seagulls hian league match kua chhung chak hmel an hmuh loh hnuah point thum an hlawh chhuak a, result lawmawm bik a ni ang.

Elland Road-ah inkhel a nung lo a, Brighton-in game mawi ngaihtuah loin tlarhnung an rem phui ṭha hle. Seagulls manager Graham Potter chuan, "Khelh dan hmang hi kan sawi nasa ṭhin a, tawpah erawh result a pawimawh ber. Kan tan chuan point thum hi a hlu em em a ni," tiin a sawi.

Leeds United-in chance insiam an harsat a, target-ah vawi hnih chiah an pet. Kum 2021-ah Leeds hian match thum khel tawhin an la chak lo vek. Seagulls hma hian Marcelo Bielsa hote hian Tottenham leh Crawley Town 3-0 ve vein an hneh lo.

Argentine manager Bielsa chuan, "Tottenham nena kan chak lo kha chuan minti mangang hranpa lo a, amaherawhchu FA Cup-a Crawley Town kan hneh loh leh tun ṭuma kan chak loh hi chuan min ti mangang a ni," tiin a dinhmun a ṭhat loh thu a sawi.