Siaha-ah Model United an champion

Siaha DFA buatsaih I Day Football Tournament 2026-ah Model United FC chuan Lalrinchhana goal hnih leh Ramthianghlima goal hmangin Meisavaih FC 3-1 a hnehin an champion.

Inelna hi August 6, 2026 aṭang khan Siaha District Football Association Ground, Meisatla-ah khelh ṭan a ni a, club 14 an tel. Model United champion puitu Ramthianghlima chu best player a ni a, Meisavaih keeper C.Beipalotla chu best goalkeeper-ah thlan a ni thung.

Johnix K Beiphasa (CCPFC) chuan goal nga khungin top scorer a ni. Tun ṭum inelnaah Siaha aṭanga player langsar ṭhin NG Beirona (FC College Vaih), MC Malsawmzuala (Siaha United FC) leh Beikhokhei (New Colony FC) ten coach hna an thawk a, an thiamna Siaha tan bakah Mizoram tan a la hlu thei ang.