Kolasib-ah Venglai FC an champion

KDFA buatsaih 1st Division Independence Day Football Tournament 2026-ah Venglai FC an champion. Kolasib Sport Stadium-a final khelhah Venglai FC chuan Grassroot Kolasib 2-1 in an hneh.

Inelna hi July 28, 2026 aṭanga khelh ṭan a ni a, team paruk an tel. Venglai FC player pawimawh Lalnunhlima chu best player-a thlan a ni a, best midfielder-ah Lalropuia (Venglai FC) thlan a ni.

Mimal chawimawina dang erawh Grassroots Kolasib-in an hui a; C Lalhunmawia (top scorer), Lallawmzuala (best goalkeeper) leh Jeremia Zorinkima (best defender) ten mimal lawmman an dawng ve bawk.

Kolasib-ah hian veteran inelna pawh buatsaih a ni a, Venglai VC chuan Project Veng Veteran 2-1 a hnehin an champion a ni.