Lunglei-ah SYS FC champion

Lunglei DFA buatsaih I Day Football final-ah SYS FC leh College Veng FC te hun pangngaiah 1-1 in an hnehtawk a, penalty shootout-ah MPL khel tawh SYS 5-3 in an vannei ta zawk.

Inelna hi C. Ṭhuamluaia Mual, Lungleiah khelh a ni a, July 31, 2026 khan khelh ṭan niin club 16 an tel. SYS champion puitu Lalbeiseia chu best player-ah thlan a ni a, College Veng tana goal sarih khungtu V. Lalriliana chu top scorer niin College Veng keeper Zorinpuia chu best keeper a ni bawk.

Fairplay award hi Zamlova & Puitea Memorial FC hnenah hlan a ni. Champion team SYS hi R. Lalmuankima leh C. Lalduhawma te enkawl a ni a, SYS aṭang hian player ṭha ṭhahnem tak an chhuak tawh a ni.