Saitual-ah Keifang Venghlun an champion

Independence Day puala Saitual DFA buatsaih football inelna Prof. Lalnilawma MLA Trophy Saitual District & 9th Tawi (AC) Inter Village Football Tournament 2026-ah Keifang Venghlun an champion.

Keifang Venghlun hian Thingsulthliah VC - 1 Team chu 3-2 in an hneh a; C. Malsawmtluanga, R. Lalchungnunga leh Samson Lalropuia ten goal khat ṭheuh an khung. Goal hmahruai khungtu C. Malsawmtluanga chu final-a man of the match-a thlan a nih bakah best player-a thlan a ni.

Position tinah mimal lawmman siam a ni a; Keifang Venghlun goalkeeper Jason Lalnuntluanga, defender Remsangkima leh midfielder Malsawmdawngzela ten mimal chawimawina an dawng ve bawk. Top scorer Ramthanmawia (Thingsulthliah) chu best forward-ah thlan a ni.

Inelna hi Keifang Centenary Football Ground-ah August 5, 2026 aṭang khan khelh ṭan a ni a, team 19 an tel a ni.