Khawzawl-ah Aizawl FC Academy champion

Khawzawl DFA chuan Independence Day pualin inelna pathum an buatsaih a, inelna ngaihhlut ber First Division club bakah sawm bik team inelnaah Aizawl aṭanga tel Aizawl FC Academy an champion.

August 5-15, 2026 chhung khan KZDFA Playground, Mualvawmah inelna hi neih a ni a, final-ah Aizawl FC Academy chuan The Pole Star FC chu 2-0 in an hneh.

Aizawl FC Academy hi Samuel Lalrinngheta Fanai enkawl a ni a, a player pahnih Vanlalchhanhima (best player) leh Lalhmingmuana (best goalkeeper) ten mimal chawimawina an dawng. The Pole Star FC-ah hian East Bengal tan pawha khel tawh Vanlalpeka Guite a khel a, forward K. Lalchhuansanga'n goal li khungin top scorer a ni.