Robula Chess a hlawhtling

Mizoram Chess Association buatsaih 46th Robula Trophy Open Chess Tournament (Fide Rated Rapid) 2026 chu August 13-15, 2026 khan Ramhlun Indoor Stadium-ah hlawhtling taka neih a ni. Inelna hi Er. Robula (L) te chhungkuain an sponsor a, Mizoram chhung chess inelna ngaihhlut ber zinga mi niin Mizo player bakah state pawn player thlengin an tel.

MCA president Er. Lalchhuana chu tournament director a ni a, SNA Laltlankima Jahau chu chief arbiter a ni thung. Tun ṭum inlenaah hian player 98 an tel a, Mizoram aṭangin player 91 an tel a, Assam aṭangin player paruk leh Maharashtra aṭangin player pakhat a tel bawk.

Special category siam a ni a; March 18, 1952-a piang Sangkhuma Ralte chu player upa ber a ni a; April 14, 2020-a piang Johana Royte chu player naupang ber a ni thung.