West Ham-in EFL record an siam

Premier League aṭanga tla hlim West Ham United chu an player ṭhenkhatin chhuahsan mah se, transfer bazarah an che na a, Championship Division-a player man to ber ni turin Celtic aṭangin midfielder Arne Engels chu pound maktaduai 22-in an la lut.

Kum 22 mi Belgium international hian kum nga daih contract a ziak a, nikuma Ipswich Town-in £17.5 mtd a Norway forward Sindre Walle Egeli an lakna chu a khum.

Celtic tan match 100-a goal 17 khungtu Engels hian Hammers tan, an match hmasa bera Burnley an hmachhawn hunah a la inlan thei dawn lo a, August 22, Inrinnia Charlton Athletic an mikhual hunah erawh chhawr theih a ni tawh dawn thung.

West Ham-in season hmasaah beisei an phâk loh avangin an relegate a, 2012 hnua a vawi khat nan Championship an khel dawn. Mahse Hammers hian Premier League-a kir leh vat an duh a, pawisa sen an hreh lo hle.